Eg tharf ad fara til laeknis!!tain i maski

Fréttir af mér: Helgin er búin og ég fékk svakalega heimþrá  en mér líður betur.. ég þarf bara bæta sjálfstraustið mitt um 80% :p en það kemur með tímanum bíst ég við. Núna veit ég einnig um líkamsrækt og e-mailaði á listaskóla hérna í róm hvort þau væru að kenna klassískan söng... á eftir að tékka hvort ég hafi fengið svar til baka hvort þau geri það eður ey.

Á miðvikudaginn erum við í “hópnum” Ég, Esther, Annelouse, Mike ,Rafa, Sabina, Antonia og Luisa að fara á opnun á nýjum hip hop, R´N´B stað. Við þurfum að fara í fín föt svo ég get farið í vintage skónna mína úr spútnik og útskriftarkjólinn minn og sett froðu í hárið(krulla það) og verið ofsalega sæt og fín þá þannig ég hef eitthvað til að hlakka til. Esther verður svo 19 á sunnudaginn svo við ætlum að spyrja gömlu konuna sem á íbúðina hvort við getum fengið nokkra í heimsókn og kannski í mat. Ég bíst við að það sé gott að hafa alltaf eitthvað til að hlakka til.

Vikurnar líða jafn hratt og einn dagur á íslandi. Ég er líka búin að ákveða tónleika sem ég fer á með luisu eftir eða með Rossini. Ég er ekki viss hvort það sé með honum sjálfum eða hans tónlist eða er Rossini kannski sinfóníustjórnandi... æi ég man þetta ekki það er kominn soldill tími síðan ég var í tónlistarsögu svo ef einhver úr söngskólanum er að lesa þetta þá er bannað að skamma mig fyrir þennan skort af vitneskju um tónlistarmenn einnig bið ég alla að afsaka íslenskuna mína. Hún fer versnandi með hverjum degi pér che ég er alltaf að tala við aðra á ensku eða í tímum á ítölsku.

Norska stelpan sem var ekki alveg að höndla þetta um daginn og fór að gráta í tíma því hún skilur ekkert, er mjög sennilega á leiðinni heim en hún skráði sig líka í akademíu árið eins og ég. Ég er a.m. stolt af mér að halda þetta út því eins og flestir vita er ég ekki opnasta manneskja í heimi og ja ég hélt ég væri góð í tungumálum en tjahh ég er farin að hafa mínar efasemdir um það.

Ég vona öllum líki myndirnar sem ég setti inn og vil ég sérstaklega þakka Bróðir mínum sem hefur verið einstaklega hjálpsamur þessa fyrstu viku mína hér og auðvitað gamla parinu í akurholtinu 270 mos  þau eru sterkustu klettar íslands! Alltaf hægt að styðjast við þau. Ég sakna líka þorra míns. Veit ekki hvort ég var búin að skrifa um það áður en jólafríið er frá 15.12-06.01. Ég var að skoða flug heim þá og eru þau ennþá til. Þarf að bóka þau á næstu dögum bíst ég við. Frænka og Frændi esterar eru að fara koma í heimsókn eftir 2 vikur og foreldrar annelouse eftir 1 og hálfa. Besti vinur Mikes kemur eftir 3 eða 4 vikur og hveeer kemur að heimsækja mig ha? Hver bíður sig fram. Veit að Maríu langar rosalega og jú stelpunum Eyrúnu og Katrínu en ég er nú ekki alveg að sjá þær fyrir mér að koma hingað þótt það myndi gleðja mig meira en allt í heiminum.. veit að flóki var næstum því í næsta flugi á leiðinni hingað Ég líka get ekki beeeðið eftir nóvember. Ég hlakka svo til að fá þetta kríli í heiminn. Það fær sko alla mína ást!! Og jú foreldrarnir fá hana nú líka ;) og amman líka.

Svo Flóki minn jú ætli það sé ekki bara smá rokk í Róm. Ég verð bara vera svart hvíta hetjan og komast í gegnum erfiðu partana í þessu og þeir verða eflaust mun erfiðari en þessi sunnudagur! Um leið og ég fer að byrja í ræktinni og að syngja þá kemur hamingjan í stóru flóði ætla ég að vona!

Ég óska öllum heima á klakanum alls hins besta. Lifið í friði.

Ykkar Saga (sem er að massa þetta í tætlur eins og henni einni er lagið)