Sursaetir dagar i rom!

Ætli það sé ekki kominn tími fyrir nýtt blogg. Esther er að borða hádegismat með Sabínu og Toni. Við ætluðum með þeim á Valentino sýninguna. En svo vorum við svolítið að tjútta í gær og ég hafði engan styrk til að fara á fætur klukkan 11 í morgunn. Býst við að Esther hafi ekki náð því heldur. Esther og Annelouse eru að plana eitthvað óvænt fyrir afmælið mitt og Esther er alltaf að gera mig spenntari og spenntari með því að segja þær séu að fara eitthvert líka þegar ég fer í ræktina!
Ég er að fara byrja í ræktinni á morgunn. Ég er rosa spennt fyrir því. Ætla bara byrja á því að fara á hlaupabretti og svoleiðis og svo worka massann. Saga massi eins og eitt sinn var sagt(Reyndar bara af Eyrúnu en allavegana...)
Ég kem “heim” 15 des. Ég veit ekki alveg hvort ég geti kallað það heim því ég bý nú líka í Róm. En ég kem á klakann 15 des, staðartíma 14:30. Bara svona fyrir þá sem vilja bíða spenntir og telja dagana eins og ein ung reykjavíkurmey sem ég þekki. Ég hlakka til að hitta alla en ég kvíði því að þurfa fara frá Esther og Annelouse í 3 heilar vikur úff.
Hárið á mér er orðið ansi lubbalegt! Ég er orðin útitekin og ég hef grennst. Ég hef ca. ákveðið jólagjafir og já já móðir góð þær eru ekki þungar. Dont worry be happy.
Útsölur hérna eru held ég í lok október. Þá ætla ég að kaupa jólagjafir og eitthvað á sjálfan mig nú líka.
Það er byrjað að kólna hér. Ekkert kjólaveður lengur, alltaf bara í hettupeysu og með trefilinn sem ég keypti í litlu búðinni við hliðina á húsinu okkur. Það eina sem ég finn verulegan mun(þannig mun að það veldur óþægindum) er að allt er lokað á sunnudögum nema kannski tabaccheria og náttúrulega veitingastaðir.
Það eru margir hér sem vilja koma heimsækja litla ísland og er ég búin að bjóðast til að fara með þeim á helstu staðina og sýna þeim litla fallega ísland lengst í Atlantshafinu.
Ég ætla halda uppá afmælið mitt næsta laugardag, sama dag og Hjördís  Því Rafa verður heima hjá sér á spáni, saragotha eða hvernig sem það er skrifað. Hann er frábær strákur, rosa sjálfstæður og kemur manni stanslaust á óvart. Hann er einmitt líka partur af academic árinu. Svolítið skondið að segja frá því en við fórum á fund út af því að við þ.e. Ég, Esther, Annelouse, Rafa, Robin, Etienne og Luisa og reyndar Angchelica líka en hún mætti ekki... allaveganna við fórum á smá fund út af þessu eða álíka. Þar sagði maðurinn okkur að við værum hreint og beint academic árið og við værum peningasjóðurinn þeirra. Eins og við værum að halda þessum skóla uppi. Við vorum svolítið hissa á þessum stóru orðum. Alla veganna fengum við að vita dagskránna eins og hún leggur sig fram í maí. Hún lítur bara ágætlega út. Nema það slæma er að í næstu viku megum við bara tala ítölsku. Það er svo erfitt að tala ítölsku. Mér finnst allt í lagi að eins og Rafa sem er lélegur í ensku tali við mig á ítölsku og ég svara honum bara á ensku. En eins og Rafa segir Tu sai male perche tu non provo. Sem þýðir þú ert slæm því þú reynir ekki. Sem er í sjálfum sér alveg satt. Ef ég legg hart að mér þá get ég alveg talað smá.

En jæja ég er hætt í bili! Ég er alltaf að reyna koma með einhverjar myndir hérna inná en það er alltaf eitthvað vesen! En jæja bless í bili kisses Saga ;)